غمض عينك واحلم

السلام عليكم

فى هذا الشعر الذى ارصده اليكم ستجدوا انه فعلا يعبر ما نمر به وما نفعله لارضاء انفسنا

ولا نملك شئ سوى ان نحلم واقصد هنا حلم اليقظة

حلم اليقظة غذاء الامل

من مننا لم يحلم احلام اليقظة التى تسلخه من عالم الواقع الذى لا يجد الا الكمد الا وهو الحزن المكتوم

اترككم مع الشعر.......

غمض عينك واحلم

لو يوم صادفك سوء الحظ

او تياس وتحس بعجز

اوعى تطاطى او تهتز

غمض عينك واحلم حلم

حقق فيه كل اللى فى نفسك

فشلك لحظة ومش ح تدوم

اوعى تحس انك مهزوم

امسح دمعك يللا وقوم

وغمض عينك واحلم حلم

حقق فيه كل اللى فى نفسك

لو يوم ضاقت بيك الدار

اوحسيت جواك بالنار

اياك تبكى او تنهار

غمض عينك واحلم حلم

حقق فيه كل اللى فى نفسك

لو مش قادر تسعد ولدك

او حسيت بالغربة فى بلدك

لو زليت وماحدش سندك

غمض عينكواحلم حلم

حقق فيه كل اللى فى نفسك

لو قاعد ايدك على خدك

ودموعك طوفان بيهدك

ولا جار ولاصاحب بيودك

غمض عينك واحلم حلم

حقق فيه كل اللى فى نفسك

لو محروم من حضن الام

لو مش لاقى حضن يضم

لو حسيت بجحود او ظلم

غمض عينك واحلم حلم

حقق فيه كل اللى فى نفسك




دعوة الى كل مستيقظ عالم تناغم الاحلام مفتوح

والدعوة عامة

كــــــــــــلوا يحـــــــــــــــــلم


لكم جذيل الاحترام والتقدير لحسن القراءة

تمام يامعلم بجد افادتنا بس بجد رائع وجميل جدا ربنا يوفقك

انا زهقت من الاحلام انا حياتى كلها انا مشى بشعار انا نفسى اكون
مشكوووووور الكلام جميل