حكاية عم ابراهيم(البصاره)

عم ابراهيم راجع حزين من شغله

ماشى على العكاز ورابط رجله

شاغل رغيفـُه تحت باطه وفجلـُه

يارب تلطف بالغلابة وبيه

*****

عالبيت دخل يلقى المره محتاسة

والأرض تشغى من طبيخها كناسة

خطى الكانون والبرمتين والطاسة

وقال مسا الخير .. العشا يابهية

******

قالت بهية لبنتها ناولينى

حق الكراوية والقزازة و عينى

فرشة اخوكى واغسلي لنا الصينى

وياللا ياختى حضـّرى الطبلية

******

ساعتين وفاتوا فى قرف و لكاعة

عم ابراهيم يصرخ يقول ياجماعة

هى البصارة عايزة تسعين ساعة

قالت خلاص فاضل على التقلية

******

وقت العشا سمعوا خليل بيعيط

جابوه على السفرة بحاله مزروَط

وبعدها فاق من بكاه واتزقطط

جنب العشا حطوه على القصرية

******

الأكل داير والنفوس قرفانه

من دى الخليل اللى ملانا عفانة

راح المسخـّم هابش الكروانة

اتدقلجت فوقه ونارها قويه

*****

خليل صرخ بالصوت وقامت أمه

سمّت عليه واللى اندلق بتلمه

ف الصحن تانى .. داقه جوزها وشمه

قال البصارة إتنجّست ياولية

********

قالت يابنتى الأمر لله ارميها

والحلة اهِه هاتى اللى فاضل فيها

قالت دى ف المطبخ قومى انتِ هاتيها

ألا الفيران تطلع كمانى عليه

********

البنت قامت بعد كل ترجّى

واللمبة فى إيدها اليمين يامنجّى

والتانية فيها الصحن .. والمتهجّى

شايلاه ورايحة تدلقــُه المرزية

*********

صرصار من الحمر الكبار اياهم

طلع لها والبنت تخشى أذاهم

الصحن واللمبة راحت حادفاهم

ف العين .. ودبّت صوت يجيب دورية

*******

قاموا اللى كانوا ف الضلام والخبلة

يفوّقوا البنت العبيطة الهبلة

عم ابراهيم داس ف البصارة الفاضلة

وآخرتها شالوا البنت مسترخية

*******

بالفجل وحده كمّلوا عشوتهم

وآخرتها ناموا وانتهت خـَوتتهم

واللى فصل من همهم وغلـّتهم

فاضل يادوب ساعة على الفجريه

*******

عم ابراهيم بواب قديم ف الصحة

طول عمره منصاب بالكساح والكحة

شافوه نهارها نص ساعة اتضحّى

العصر يومها سلموه الرفتية

*********

اتمنى لك التقدم ((gartez))

مشكووووووووووووووووووووووور

الله عليكى يابنتى والله دى حاجه جامد اوى ياسنيوريتا
بالمناسبه عرفه سنيوريتا هعلمكم حاجه جديده فى كتابت المواضيع كل واحد فيكوا يكلمنى على الياهووو

ناسف لقولنا عليك سنيوريتا
بل انت اميره المنتدى او شمس تضئ نعمل بنورها ونهتدى بها
فسيرى وكملى مشوارك يا شمس
فلولا ان الملائكه لا نراهم لقلنا عليك انك ملك من السما

ماشى ياكراش واتلله انت اللى احلى نجم وانت اللى فيهم ياواد هع هع هع هع بس بس نيزك لا شمس ولانجم

مين ابراهيم دة

مشكووووووووووور

مشكور