بعد دراستنا لجسم الأنسان مفرداً . تيجوا بقى نرسمه متجمع وفى حالة الحركة
الحكاية سهلة ومش سهلة ( ايه ده يا عم .حتقولنا فوازير) . .......................
ابدا لا فوازير ولا حاجة . انتا لو كنت درست المفردات كويس يبقى سهل عليك
ترسمها متجمعة متكاملة. بس تخلى بالك من المعلومات الجديدة .
ومش حتكلم كتير . أحنا نشوف ونحلل ونتدرب بتركيز .عشان ايه...
أيوه زى ما بنقول دايما ركز أكتر تتعلم اسرع ............
دى بقى يا حج كتلة جسم الأنسان من أعلى.
شوف ... سبحان الله . وتبارك الله أحسن الخالقين
ده بقى يا سيدى الجسم كامل . بنقسمه الى 8 أجزاء .بإعتبار حجم الرأس هوا المقاس
يعنى قد حجم الرأس 8 مرات .
ذيه بس على أحلى وأرق
فاكرين قلنا أيه قبل كده ........ نقول كمان . لما تحب ترسم حاجة بسطها بخطوط سهلة وخفيفة
وبعدين أرسم التفاصيل ثم تفاصيل التفاصيل .
طبعا واضح أن الدائرة بترمز للرأس والخط الأساسى للعمود الفقرى ثم عندك كمان خطين بيمثلوا اليد وخطين بيمثلو الرجلين. تخيل الوضع الذى تريد رسم الشخص عليه وتخيل وضع الخطوط المبدئية وأرسم يا باشا.
خلى بالك يا هندسة أن دى مقارنات بين حجم كف اليد وحجم الوجه . وأيضا بين القدم والساق
من أسفل الى الركبتين والجذء الثانى من الركبتين الى اـصال الفخذ بالحوض .
وأيضا اليد الى الكتف . ثم مقارنة بين منطقة الحوض عند الرجل وعند المرأة
مش حتكلم . كل حاجة واضحة وبتتكلم لوحدها شوف أنت وفكر وحلل وأستنتج
أرجو أن أكون وفقت فى الشرح ..... وبالتوفيق إن شاء الله
وعندى صور توضيحية أخرى انزلها قريبا .